«Imbonerakure day»2023 : Umunsi wahariwe imbonerakure 2023

REPUBLIQUE DU BURUNDI                                                                          REPUBLIKA Y’UBURUNDI 

PARTI CNDD-FDD                                                                                             UMUGAMBWE CNDD-FDD 

CONSEIL NATIONAL POUR LA                                                                     INAMA Y’ABANYAGIHUGU 

DEFENSE DE LA DEMOCRATIE – FORCES POUR LA                               BAHARANIRA DEMOKARASI.

DEFENSE DE LA DEMOCRATIE.

UBUSERUKIZI BWA SEGISIYO Y’UMUGAMBWE CNDD-FDD MU BURUSIYA

«Imbonerakure day»: Umusi wahariwe imbonerakure 2023

Tugire CNDD-FDD! N’intsinzi!

1. Uko umwaka utashe, abagumyabanga b’umugambwe CNDD-FDD
   barahimbaza umusi mukuru wahariwe Imbonerakure «Imbonerakure day».
   Muri uyu mwaka w’2023 ku ncuro y’indwi kw’igenekerezo rya 26/08/2023,
   icivugo co kuwuhimbaza ni « Uruhara rw’urwaruka rwa Africa mu
   gutsimbataza ingendo y’amahoro n’umutekano vyo nkingi y’iterambere
   rirama, ivyaranguwe n’imigambi ya kazoza».
2. Muntumbero yoguhimbaza «Imbonerakure day», ubuserukizi bwa segisiyo
   y’umugambwe CNDD-FDD mu Burusiya burifurije imbonerakure aho
   baherereye hose umusi mukuru mwiza. Nk’uko amategeko mpuza makungu,
   ibwirizwa shingiro, amasezerano y’abarundi ya Arusha hamwe n’ayandi
   mategeko y’igihugu bigenga uburenganzira n’umwidegemvyo ku vyiyumviro
   vya politike, imbonerakure ni urwaruka rw’umugambwe CNDD-FDD rugizwe
   n’abarundi b’imirwi yose rwitanga rutizinganya muguharanira demokarasi,
   ubutungane, iterambere, agateka ka zinamuntu, umutekano n’amahoro kuri
   bose.
   
3. Imbonerakure z’umugambwe CNDD-FDD zifise ihangiro ryo kurwanya
   amabi akorerwa ikiremwa muntu. Kubw’ivyo ni akaryo ko kwiyamiriza abo
   bose bihaye ingendo igayitse yo gucafuza umugambwe CNDD-FDD no
   gusenyura inzego z’igihugu zitorewe n’abenegihugu babicishije mubikorwa
   vyabo vyo kudodobereza imbonerakure no gushikiriza ibinyoma
   n’irementanya ku mbonerakure. Mumigambi yabo yo gutyoza no guhama
   imbonerakure, bama bashikiriza amajambo, ivyegeranyo, n’amakuru vyo
   gushikuza no guhubisha abarundi n’amakungu.
4. Umwitwarariko w’imbonerakure ushingiye ku karangamutima ka politike
   y’umugambwe CNDD-FDD ko kurangura ibikorwa vyo kwiteza imbere, vyo
   guhesha ishusho nziza igihugu, vyo gutsimbataza intwaro rusangi n’ivyo
   guharanira amahoro, umutekano, ubutungane no kunywanisha abarundi.
5. Uyu musi mukuru mwiza, ubere imbonerakure akaryo ko kwirimbura
   mubikorwa vya minsi yose kugira ngo twame tuzirikana ko ubumwe bwacu
   ari inguvu zo gukomeza umugambwe CNDD-FDD no guteza imbere igihugu
   cacu “Uburundi”.
6. Mbonerakure mwame mugavye, ntimucike intege, ntimudebukirwe canke
   ngo mwijajare. Mbonerakure,aho uherereye hose wame wamirira kure
   abantu bose bagomba gukwegera abarundi mumosha mabi yo gutosekaza
   no gusambura igihugu. Dufate nkama impanuro z’abadukurira, abavyeyi,
   n’abaduhanura neza kugira ngo ntituje mubitagira akamaro ngo twice
   kazoza kacu hamwe n’akigihugu catwibarutse.
7. Turangije tubipfuriza guhimbaza neza umusi mukuru mwiza wahariwe
   imbonerakure. Imana Mushoboravyose ihezagire abarundi kandi ikomeze
   kuzigama imbonerakure n’abagumyabanga bose. Imana idushoboze
   gukunda,kurinda no guteza imbere igihugu cacu.
   

Umusi mukuru mwiza!

Tugire CNDD-FDD ! N’intsinzi!

Murakoze!

SEGISIYO Y’UMUGAMBWE CNDD-FDD MU BURUSIYA